كلمة البداية عن سحماتا بقلم صاحب الموقع من وحي سحماتا شعر وخواطر من اعماق الذاكرة رسائل خرائط أفلام وأغاني نسمات من الوطن سُحماتا.. صدى الفراغ وهاجس الزمان البوم صور مقالات ودراسات أدب وفن ألوان منوعات أغانٍ وطنية وتراثية كلمات عن الراحل وجيه دفتر الزوار English Section Hebrew Section

عودة الى نسمات من الوطن اغاني العم متى بقلم حنا عيدي حنا عيدي (تتجسد امامه سحماتا متكامله كما كانت عليه في 1948) سحماتا, (موسيقى) ااخخخخخ يا سحماتا (يغني) ااااااااااخ                      يا سحماتا شريان بقلبي ضخ            بحب الارض وسماها بحبك عاطول المدى ما في غيرك حدا آخ يا سحماتا انا وهي وبس                       حاراتها(تَ) وساحاتها(تَ) وجنّاتها(تَ) في قلبي مضوي شمس            في ضلوعي لحن نايات لو نطق الحجر بكلام ايام الحب والسلام محتها دموع والام آخ....يا سحماتا عاتلالك طفح الدم            ليروي الارض ونباتها(تَ) بعرس السحماني بتلتم صحاب الدار وحماتها(تَ) اااااااااااخ يا سحماتا اااااااااااخ يا سحماتا (يخرج من جيبه مفتاح... داره. ويعلقه في الفراغ امام وجهه) ثلاثه وخمسين سنه مفتاح الدار في جيبتي ذاب وانا جاي اليوم ادخلها من الباب وِن ضاعت الدار المفتاح ما بيضيع وِن ذاب المفتاح الايد حريصه بِ تطيع وِن ذابت الايد القلب لا بمال فضه ولا ذهب                         بيبيع (يقبّل المفتاح قبل ان يضعه في جيبه) (اغنيه الرحيل-الافتراق على الحدود) يالي رحلوا بنص الليل                 اكلتكو العتمه السودا ويالي هجروا بعز الظهر            حرقتكو الشمس الحمرا يا ترى جعتو يا ترى عطشتو يا ترى وصلتو ولا ضعتو يالي رحلوا بنص الليل                 اكلتكو العتمه السودا ويالي هجروا بعز الظهر            حرقتكو الشمس الحمرا ومرقت الايام اليوم صار يومين وعاشوا في الخيام وصاروا لاجئين يالي رحلوا بنص الليل                 الليل نيابه بتجرح ويالي هجروا بعز الظهر            النهار عيونه بتفضح وكثرت الحروب وتغيرت الحدود وماتوا في الخيام ويا حسره مرتين يالي رحلوا بنص الليل                 من برد الليل لبستو ويالي هجروا بعز الظهر            من نار الشمس شربتو يا ترى جعتو يا ترى عطشتو يا ترى وصلتو ولا متو كل فجر بيطل سحماتا الأمل بتظل بتمحي سواد الليل وبتعطي امل للكل (يغني طمنتوني) Q رقم: _____ طمنتوني شكرا شكرا ريحتوني سحماتا الكو هديه مني من قلبي لقلبكو وهذا بيتي وهذه ارضي كلها صارت امانه برقبتكو                     طمنتوني ما عاد في احمل هاشعله لكن باديكو الدنيا بتضوي                     طمنتوني انا مش قادر اجا الوقت اسافر وكل ما بتشتقولي بالسما بتلقوني بالليل انا نجمه وبعين الشمس بتشوفوني                     طمنتوني * مثلت هذه المسرحية على أرض سحماتا بتاريخ 4/8/2007 أمام ملتقى الأطفال والأهالي، قام بدور العم متى الممثل القدير لطف نويصر، وهي موجودة بفيلم الفيديو . عودة الى نسمات من الوطن